30 август көнне иртәнге сәгать 6да эстраданың популяр җырчысы Ильмира Нәгыймова икенче тапкыр әни булды. Җырчы 3 яшьлек улы Камилгә сеңелкәш алып кайтты.
- Кызыбызның туу срогы 18 сентябрьгә билгеләнгән иде, әмма иртәрәк туды. Ильмираның да, баланың да хәле яхшы, Аллага шөкер. Алар Чаллы шәһәренең бала тудыру йортында. Баланың авырлыгы - 3 кг, буе - 50 см. Сабыйга Ясминә дигән матур исем сайладык, - дип сөйләде эстраданың талантлы җырчысы, бәхетле әти Руслан Кираметдинов.
Ильмира белән Русланны кызлары туу белән чын күңелдән котлыйбыз, гаилә бәхете һәм исәнлек-саулык телибез!
Эльвира ШАКИРОВА
Нет комментариев