«Иннополис» чит ил компанияләрен аның резидентлары булырга чакыра

"Күп кенә чит ил компанияләре Татарстан һәм Иннополис инновацион үзәген ишетеп кенә белми. Республика Хөкүмәт дәрәҗәсендә дә, корпоратив секторда да халыкара элемтәләрне һәм аралашуны актив киңәйтә, ә Иннополис Университетының дөнья компанияләре, чит ил профессорлары һәм фәнни үзәкләр белән эшләү тәҗрибәсе бай. Без Иннополиста чит ил IT-компанияләре өчен Россия законнары нигезендә чаралар комплексын тәкъдим итәргә әзер»,-диде ТР Премьер-министры урынбасары Роман Шәйхетдинов.

Шулай ук Иннополиста ярдәм чаралары комплексы эшли. Мәсәлән, махсус икътисадый зона резидентлары it-кадрлар сайлауда ярдәм ала алалар. Шәһәрдә ел саен квалификацияле it-белгечләр әзерләүче университет һәм рекрутинг үзәге урнашкан.
Моннан тыш, Иннополис резидентлары булырга теләк белдергән компанияләр юридик затның филиалын ачуда, шулай ук коворкингтагы офисны арендага алу яки эш урыннары алуда ярдәм алалар. Шулай ук «Иннополис» МИЗ резидентларының it-өлкәдән эре экспертлар белән очрашуларда һәм чараларда катнашу мөмкинлеге бар. Моннан тыш, махсус икътисадый зона компанияләре өчен МИЗның төрле партнерларыннан грантлар алу мөмкинлеге каралган.

Исегезгә төшерәбез, РФ Дәүләт Думасында Федераль закон проекты карала, аның нигезендә тәүлеклек аудиториясе 500 меңнән артык Россия кулланучысы булган мәгълүмат ресурслары хуҗалары Россиядә филиаллар булдырырга, вәкиллекләр ачарга яки Россия юридик затларын гамәлгә куярга тиеш булачак. Әлеге рәсми вәкиллекләр баш компанияләрнең мәнфәгатьләрен тулы күләмдә яклаячак һәм Россия регуляторларының РФ территориясендә алар белән хезмәттәшлегенең төп каналы булачак.

Чыганак: tatar-inform.ru