Рөстәм Миңнеханов татарстанлыларны Россия студентлар көне белән котлады

Татарстан Рәисе Рөстәм Миңнеханов

Фото: ТР Рәисе матбугат хезмәте

«Укуын тәмамлаган һәм бүгенге көндә белем алуын дәвам итүче һәркемне бәйрәм белән тәбрик итәм! Студент еллары - уку вакыты гына түгел, шәхес буларак формалашу, якты идеяләр туу чоры да», - дип искәртте ТР Рәисе MAX мессенджерында.

«Күп кенә күренекле галимнәр, сәясәтчеләр һәм сәнгать эшлеклеләре үз юлларын нәкъ менә безнең югары уку йортларында башлады», – дип өстәде ул.

Республика җитәкчесе шулай ук видеоролик урнаштырды, анда хәзерге Татарстан территориясендә югары уку йортларында белем алган төрле өлкәләрдәге күренекле вәкилләр санап үтелә.

ТР Рәисе Лев Толстой, Владимир Ульянов-Ленин, Абдулла Алиш, Михаил Симонов, Сергей Аксаков, Станислав Говорухин, Софья Гобәйдуллина, Минтимер Шәймиев һәм Марат Хөснуллинны искә алган.

Видео: max.ru/rustamminnikhanov.

Тулырак: https://tatar-inform.tatar/news/minnixanov-pozdravil-tatarstancev-s-dnem-rossiiskogo-studencestva-5917892