Рөстәм Миңнеханов Халыклар бердәмлеге көне белән котлап, халыкка мөрәҗәгать итте
Татарстан Рәисе Рөстәм Миңнеханов республика халкын Халыклар бердәмлеге көне белән тәбрикләде.
Фото: Татарстан Рәисе матбугат хезмәте
«Сезне уртак бәйрәмебез – Халыклар бердәмлеге көне белән тәбрик итәм. Илебез тарихында бу көн чын мәгънәсендә күпмилләтле Россия халкының ихтыяр көче һәм бердәмлеге чагылышына әйләнде.
Күп гасырлар элек ополчение сафларында, туган җиребезнең азатлыгын саклар өчен, төрле милләт һәм катлау вәкилләре иңгә-иң торып дошманга каршы күтәрелде.
Бүген дә, махсус хәрби операция шартларында, без гаделлекне һәм тарихи дөреслекне бергәләп яклыйбыз, неонацизмга катгый каршылык күрсәтәбез.
Буыннан-буынга тапшырыла килгән рухи-әхлакый кыйммәтләргә тугрылык һәм ата-бабаларыбыз мирасына ихтирам йөрәкләребезгә көч-куәт бирә. Без Җиңүгә ышанабыз!
Барлык халыклар һәм диннәр вәкилләре арасындагы үзара дуслыкка һәм ихтирамга нигезләнгән багланышлар илдәге тотрыклылыкның, милләтара һәм динара татулыкның аерылгысыз өлешен тәшкил итә. Татарстан шуңа да һәрчак гражданнарның бердәмлеге, туган телләрне, гореф-гадәтләрне, мәдәниятләрне саклау һәм үстерү үрнәге булып тора, Россияне ныгытуга үзеннән зур өлеш кертә.
Ихлас күңелдән сезгә исәнлек-саулык, тынычлык, игелек һәм иминлек телим», – диелә мөрәҗәгатьтә.
Кызыклы яңалыкларны күзәтеп бару өчен Телеграм-каналга язылыгыз
Тулырак: https://tatar-inform.tatar/news/rostam-minnexanov-xalyklar-berdamlege-kone-belan-kotlap-xalykka-moraagat-itte-5913499
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев