Сабада фехтование буенча укыту-күнекмә җыеннары уза

  Җыеннарда районнан гына түгел, башка шәһәрләрдән – Казан, Екатеринбург, Удмуртия Республикасы һәм Төмән өлкәсеннән дә спортчылар катнаша. Спортчылар  ярышлар сезонына актив әзерләнәләр, тәҗрибәле тренерлар җитәкчелегендә көрәш техникасын һәм тактикасын камилләштерәләр. 20 нче һәм 21нче  июльдә фехтование буенча шәхси һәм команда ярышлары планлаштырылган. Спортчылар үзләре «Урман әкияте» территориясендә табигый күлләргә һәм урманнарга бай матур урында яшиләр. Тренировкалар залда да, саф һавада да уза. Дәресләр вакытында спортчылар фехтование һәм корал белән эшләү күнекмәләрен ныгыталар, физик әзерлекне яхшырталар, шулай ук сугышчан практикага аерым игътибар бирәләр. Спортчылар бик күп уңай эмоцияләр ала һәм укыту-тренировка чарасы тормышында актив катнаша. Интенсив күнегүләрдән тыш, балалар Байлар Сабасы бистәсе бассейнына һәм «Сабантуй» спорт комплексындагы бау паркына барырга планлаштыралар. Бу эш төрен  төрлеләндерергә, команда рухын ныгытырга һәм интенсив дәресләрдән соң ял итәргә ярдәм итә.