Самолетларга һәм поездларга утыруны «Макс » аша үткәрергә планлаштыралар

РФ Транспорт министрлыгы Max ID ярдәмендә пассажирларны самолетларга һәм поездларга утырту өчен «Макс» мессенджерын кулланырга планлаштыра. Бу хакта  ТАССка биргән интервьюсында ведомство башлыгы Андрей Никитин хәбәр итте.

- «Макс» мессенджерына килгәндә, аны киләчәктә Max ID буенча бу транспорт төрләренә пассажирлар утырту өчен файдаланырга планлаштырабыз. Әмма әлегә бу перспектив юнәлеш, конкрет эшләтеп җибәрү датасы белән расланган проект түгел, - диде министр.

 Исегезгә төшерәбез, биометрия буенча поездларга һәм самолетларга утыру пассажирларга мөмкин санала. Апрельдә сервисны Мәскәү — Түбән Новгород, Мәскәү — Кострома һәм Мәскәү — Иваново маршрутлары буенча поездларда эшләтеп җибәрделәр, августта — Түбән Новгород — Киров һәм Түбән Новгород — Иваново юнәлешләрендә. Июньнән россиялеләр Шереметьево һәм Пулковода эксперимент кысаларында биометрия буенча самолетка узарга мөмкин.

Чыганак: «Реальное время»

Без социаль челтәрләрдә: Телеграм, ВКонтакте, ТикТок, Ютуб, Одноклассники, Твиттер, Яндекс.Дзен