Татарстан Рәисе стипендияләре 10 мең сумга кадәр арттырылды

Элек түләүләр күләме 7 мең сум тәшкил иткән, ә үзгәрешләр кертелгәннән соң 10 мең сум була.

«Бу карар имзаланган көннән үз көченә керә һәм 2024 елның 1 сентябреннән барлыкка килгән хокук мөнәсәбәтләренә кагыла», диелгән документта.

Татарстан Рәисе стипендияләрен мәктәп укучыларының бөтенроссия, халыкара һәм башка олимпиадаларының йомгаклау этабы җиңүчеләре һәм призерлары, ике яки аннан да күбрәк фән буенча Бердәм дәүләт имтиханнарыннан 100 балл җыючы, WorldSkills, «Абилимпикс» чемпионаты җиңүчеләре һәм призерлары арасыннан 200 студент ала.

100 стипендия Татарстанда даими яшәүче студентларга, тагын шулкадәр үк башка төбәкләрдән килгән укучыларга каралган.

Кызыклы яңалыкларны күзәтеп бару өчен Телеграм-каналга язылыгыз

Тулырак: https://tatar-inform.tatar/news/tatarstan-raise-stipendiyalare-10-men-sumga-kadar-arttyryldy-5896439