Татарстанда яшүсмер өстенә футбол капкасы ауганнан соң җинаять эше кузгатылды
«Идел» лагеренда малай өстенә футбол капкасы аугач, җинаять эше кузгатылды. Бу хакта Россия Тикшерү комитетының Татарстан буенча Тикшерү идарәсе матбугат хезмәтендә хәбәр иттеләр.
«Татар-информ» хәбәр иткәнчә, кичә көндез Лаеш шәһәрендә 13 яшьлек яшүсмер өстенә футбол капкасы ауган һәм ул имгәнгән. Малайны авыр хәлдә Балалар республика клиник хастаханәсенә китергәннәр, ә хокук саклау органнары тикшерү башлаган.
Татарстан Яшьләр эшләре министрлыгында сөйләүләренчә, беркетелмәгән капкаларны футбол кырына балалар үзләре чыгарган.
Бу факт буенча иминлек таләпләренә җавап бирми торган эшләр башкару яки хезмәтләр күрсәтү турында җинаять эше кузгатылды.
Хәзерге вакытта тикшерү бара, ул бу хәл килеп чыгу сәбәпләрен тикшерә.
Татарстан прокуратурасының матбугат хезмәтендә хәбәр итүләренчә, күзәтчелек ведомствосы җинаять эшен тикшерүне контрольгә алган.
Бу хакта тулырак: https://tatar-inform.tatar/news/tatarstanda-malainyn-ostena-futbol-kapkasy-augannan-son-inayat-ese-kuzgatyldy-5868888
фото https://ru.freepik.com/free-photo/soccer-into-goal-success-concept_3398410.htm#query=%D1%84%D1%83%D1%82%D0%B1%D0%BE%D0%BB%D0%BD%D1%8B%D0%B5%20%D0%B2%D0%BE%D1%80%D0%BE%D1%82%D0%B0&position=0&from_view=search&track=ais
Следите за самым важным и интересным в Telegram-каналеТатмедиа
Нет комментариев