«Игенче» җәмгыяте казанлыларны көзге авыл хуҗалыгы ярминкәсендә сыйлады

Узган шимбәдә Казанның «Казан» агросәнәгать паркында чираттагы авыл хуҗалыгы ярминкәсе гөрләп узды. Шәһәр халкына үз продукциясен Арча районыннан «Игенче» җәмгыяте уңганнары да алып килде.

Кибет киштәләрендәге гадәти товарлардан аермалы буларак, фермерлар сатып алучыларга экологик чиста һәм натураль ризыклар тәкъдим итте. «Игенче» җәмгыяте вәкилләре шәһәр кунакларын кайнар чәй һәм йомшак коймак белән дә сыйлады. 

«Без шәһәр халкын ел саен үзебездә үстерелгән иң яхшы ризыклар белән сөендерергә тырышабыз. Ярминкәләр — ул безнең өчен генә түгел, казанлылар өчен дә матур гадәткә әйләнде», — дип билгеләп үтте хуҗалык җитәкчесе.