Татарстанда уртача айлык хезмәт хакы 100 мең сумга кадәр җиткән

Бер ел эчендә уртача керемнең күләме 17,1 мең сумга арткан, бу 22,3 процент үсешкә туры килә. Чагыштыру өчен, 2024 елның октябрендә төбәктә уртача хезмәт хакы 76,8 мең сум тәшкил иткән. 

Мәгълүмат һәм элемтә секторы республиканың хезмәт хакы иң югары түләнә торган тармагына әверелде, анда белгечләр уртача 149,6 мең сум ала. Фәнни тикшеренүләр белән шөгыльләнүчеләр алардан бераз гына калыша (хезмәт хаклары 144,8 мең).

Лидерлар өчлеген уртача хезмәт хакы 134,5 мең сум тәшкил иткән финанс һәм иминият базары хезмәткәрләре йомгаклый. 

Башка тармакларда да лаеклы керем алучылар бар. Эшкәртү промышленностендә  (124,6 мең сум) һәм файдалы казылмалар чыгаруда (120,2 мең сум) керемнәр республика буенча уртача дәрәҗәдән югарырак кала. 

Шул ук вакытта кайбер тармакларда хезмәт хакы сизелерлек кимрәк. Иң гади генә керемнәр -  күчемсез милек белән операцияләр (61,3 мең сум), мәгариф (63,7 мең сум), шулай ук кунакханә бизнесы һәм җәмәгать туклануы (65,9 мең сум) кебек юнәлешләрдә. Казань КП