Балигъ булмаганнар эшләре һәм аларның хокукларын яклау комиссиясенең 27 февральдә узган чираттагы утырышында Эчке эшләр министрлыгының Саба бүлегеннән алынган 20 административ материал тикшерелде. Саба, Кызыл Мишә, Тенеки, Урта Нырты, Килдебәк, Курсабаш авылларыннан чакырылган әти-әниләр гаиләдә балаларын тәрбияләү вазыйфасын үтәмичә, хәмер йогынтысына бирелгәннәр. Сабадан балигъ булмаган бала тәрбияләүче хатын-кызга берьюлы өч...
Балигъ булмаганнар эшләре һәм аларның хокукларын яклау комиссиясенең 27 февральдә узган чираттагы утырышында Эчке эшләр министрлыгының Саба бүлегеннән алынган 20 административ материал тикшерелде. Саба, Кызыл Мишә, Тенеки, Урта Нырты, Килдебәк, Курсабаш авылларыннан чакырылган әти-әниләр гаиләдә балаларын тәрбияләү вазыйфасын үтәмичә, хәмер йогынтысына бирелгәннәр. Сабадан балигъ булмаган бала тәрбияләүче хатын-кызга берьюлы өч беркетмә төзелгән. Баласына начар үрнәк күрсәтүе һәм авыр тормыш шартларында калдыруы сәбәпле, ул социаль яктан куркыныч гаилә буларак учетка куелды. Вакытлыча ата-ана хокукыннан мәхрүм ителгән ике гаиләнең (Сабадан) тәртипләре уңай якка үзгәрүе нәтиҗәсендә балаларын гаиләгә кайтарырга дигән карар кабул ителде. Шул ук вакытта алар ныклы контрольдә булачаклары турында искәртелделәр.
Нет комментариев