Беренчелек –Килдебәк бригадасында

2021 елда  сөт һәм ит терлекчелегендә  эш   нәтиҗәләре  буенча  иң югары   күрсәткечкә “Юлбат” авыл хуҗалыгы  предприятиесенең  Килдебәк  бригадасы иреште.  Бригадада   сыерга исәпләгәндә уртача 12347   килограмм   сөт,  ел башына   булган  һәр мөгезле  эре терлеккә исәпләгәндә 297  килограмм ит җитештерелде. Сөт   савып  алу 2020 елның 11  ае   күрсәткеченә карата 130 процент тәшкил итте. Ит  җитештерүдә 109 процент  үсешкә ирешелде.  Малларның  баш  саннары 9 процентка  артты.  Бригаданың  акча  кереме 134  миллион сум булды (Үсеш- 108%). 

“Ирешелгәннәр  – барлык эшче-хезмәткәрләрнең  уртак  тырышлыгы. Бигрәк тә Туктар робот   фермасы  коллективының эш   күрсәткечләре   югары   булды.  Хәзер  елны  төгәлләп, 2022  елга   уңышлы старт  алырга һәм  яуланган   үрләндән   чигенмәскә    кирәк”,–

ди бригада  җитәкчесе  Хәлим Касыймов.   Фотода Туктар   фермасы   коллективын   күрәсез.

Илназ Әхмәтҗанов комплекс җитәкчесе (сулдан), Фәнис Бариев (механизатор), Илнур Ганиев (оператор), Нурфия Ганиева (яшь бозаулар караучы), Хәлим Касыймов (җитәкче), Айнур Гыйльметдинов (мал табибы), Ранис Әхмәтҗанов (арткы рәт сулдан) (терлекче), Ранил Миңнегалиев (оператор), Рафаэль Нәҗмиев (тегермәнче), Рафит Юнысов (зур бозаулар караучы).

                                        Ранил Минегалиев  (оператор)

Без социаль челтәрләрдә: Телеграм, ВКонтакте, ТикТок, Ютуб, Одноклассники, Твиттер, Яндекс.Дзен