Бигәнәй медпунктында шикәр авыруы турында сөйләштеләр

 Бигәнәй фельдшер- акушерлык пунктында узган «Диабет һәм аның нәтиҗәләре» дигән профилактик әңгәмәнең максаты-халыкның игътибарын сәламәтлекне саклау һәм ныгыту мәсьәләләренә җәлеп итү. Фельдшер Илмира Исмәгыйлева шикәр диабетының беренче билгеләре, аның катлауланулары, даими диспансерлаштыруның мөһимлеге, динамик күзәтү үзенчәлекләре һәм вакытында дәвалау ысуллары турында сөйләде. Авыруны профилактикалауга баланслы туклану һәм сәламәт яшәү рәвешенә аерым игътибар бирелде. Шулай ук очрашу барышында теләгән һәркем  кандагы шикәр дәрәҗәсен үлчәү мөмкинлеге дә алды. Әңгәмә ахырында һәркемгә мәгълүмат буклетлары таратылды.