Бүген — Торак-коммуналь хуҗалыгы хезмәткәрләре көне

 Хөрмәтле торак-коммуналь хуҗа­лык­ хезмәткәрләре һәм тармак ветераннары! Сезне һөнәри бәйрәмегез белән котлыйбыз! Торак-коммуналь хуҗалык районның яшәешен тәэмин итү системасында мөһим урынны алып тора. Сез йортларга су өзлексез килеп торсын, канализацияләр эшләсен, фатирлар җылы, җәмәгать  урыннары төзек һәм чиста булсын, көнкүреш  калдыклары вакытында  чыгарылсын, урамнар кардан чистартылсын өчен көндәлек зур эш башкарасыз. Фидакарь хезмәтегез, уңайлы тормышыбыз һәм көнкүрешебезгә керткән лаеклы өлешегез өчен рәхмәт әйтәбез! Бәйрәм белән котлап, сезгә нык сәламәтлек, гаилә иминлеге, яхшы, күтәренке кәеф телибез!

Саба муниципаль районы Советы һәм башкарма комитеты.