Бүген Халыкара өлкәннәр көне уңаеннан радиомарафон үткәрелә
Халыкара өлкәннәр көне уңаеннан бүген иртәнге 9дан 15.30 сәгатькә кадәр “Саба дулкыннары” телерадиокомпаниясе “Кайгырту” фондына иганә җыю буенча радиомарафон үткәрә.
Юридик һәм физик затларның аз керемле гаиләләргә, мохтаҗларга, янгыннан зыян күрүчеләргә, өлкәннәргә булышу максатында оештырылган чарада Саба муниципаль районы башкарма комитеты, ветераннар советы, өлкәннәр клубы, социаль яклау учреждениеләре, оешма-предприятиеләр җитәкчеләре, авыл җирлекләре башлыклары катнаша.
2022 елның 1 октябреннән "Кайгырту" хәйрия фондына акча җыю башлана. Акчаны онлайн күчерергә була. Күчергәндә, әгәр сез оешма исеменнән түлисез икән, оешманың исемен, әгәр физик зат буларак түлисез икән, түләүченең исем, фамилия, әтисенең исемен күрсәтергә кирәк. Өлкәннәргә ярдәм итү кампаниясе кысаларында акчаларны 2022 елның 1 октябреннән 10 октябренә кадәр күчереп була.
"Кайгырту" фонды өлкәннәргә, авыр тормыш хәлендә калган балаларга, ятим балаларга социаль тернәкләндерүдә ярдәм күрсәтә.
.jpg)
Следите за самым важным и интересным в Telegram-каналеТатмедиа
Нет комментариев