Чыршыны сүттеләр...

автор, 11 февраль 2026 - 18:00

547

Әле кайчан гына Яңа ел бәйрәмнәрендә Үзәк Чыршы тирәсендә күңел ачып йөргән идек. Инде язны каршы алырга әзерләнәбез.

Сабаның Үзәк мәйданында Яңа ел чыршысын һәм бәйрәм иллюминациясен сүтү төгәлләнде. Эшләрне Саба муниципаль предприятиеләре башкарды. Ясалма чыршыны секцияләр буенча сүттеләр, светодиодлы яктырткычларны алдылар, урам консольләрен һәм юл өстендәге яктылык тартмаларын сүттеләр. Күп эшләр автокран һәм бензопычкылар ярдәмендә башкарылды. Киләсе сезонда кулланырга мөмкин булган бизәүнең барлык элементлары тәртипләп алып складка урнаштырылды. Мәйданчыктан чүп-чар чыгарылды, территория тәртипкә китерелде.

Инде язны көтәбез!