“Иминлек каешы” чарасы башланды

Махсус чара 19 февральгә кадәр барачак. Балаларны автотранспортта йөрткәндә аеруча игътибарлы булу  сорала. Иминлек каешын баш  аркылы гына күкрәккә  алып  куймаска, дөрес эләктерергә кирәк.

“Кагыйдә бозучыларга 3 мең сум штраф каралган. Иминлек каешын эләктерү авария булганда алгы  утыргычта баручының имгәнү-үлем очрагын 50,  арткы  утыргычта 25 процентка  киметә”, – ди районның ГАИ бүлекчәсе  начальнигы  Марат Гаязов.

Быел  гына да әлеге кагыйдәне үтәмәгән 123  йөртүчегә беркетмә төзелгән.