Махсус хәрби операциядә катнашкан депутатны бүләкләделәр

Махсус хәрби операциядә катнашкан Дәүләт Советы депутаты, «Эспаньола» ирекле батальоны командирының техник өлеш буенча урынбасары Марат Галиев II дәрәҗә «Ватан алдындагы казанышлары өчен» ордены медале белән бүләкләнде. 

Марат Галиев Россия Федерациясенең югары дәүләт бүләгенә Ватанны саклауга керткән зур өлеше, югары хәрби әзерлекне саклаудагы һәм оборона сәләтен тәэмин итүдәге уңышлары, шулай ук Россия дәүләтчелеген ныгытуы өчен лаек булды.

Исегезгә төшерәбез, 2024 елның мартында Марат Галиевка Батырлык ордены тапшырылды.