Һөнәри бәйрәм котлауларсыз булмый

Фәнил Мәүлетов, 10 ноябрь 2021 - 22:30

980

Эчке эшләр органнары хезмәткәрләре көне уңаеннан Россия Эчке эшләр министрлыгының Саба районы бүлеге хезмәткәрләренә дәрәҗәле исемнәргә таныклыклар, медальләр, Рәхмәт хатлары, Мактау грамоталары тапшырылды.

Эчке эшләр органнары хезмәткәрләрен һәм ветераннарны район башлыгы Рәис Миңнеханов, бүлек начальнигы Васил Исмәгыйлов тәбрикләде. Районның хокук сакчыларына министр, полиция генерал-лейтенанты Артем Хохоринның котлавы җиткерелде. Чарада катнашкан район прокуроры Ленар Вәлиуллин, район суды рәисе Дамир Сабиров, районара тикшерү бүлеге җитәкчесе Зөлфәт Кәримов, эчке эшләр бүлегенең җәмәгать советы рәисе Рөстәм Исмәгыйлов полиция хезмәткәрләренә авыр эшләрендә уңышлар, гаилә бәхете теләделәр.