Район үзәк китапханәсендә шигъри бәйгегә йомгак ясалды

   Саба муниципаль районы мәдәният бүлеге, Әбрар Кәримуллин исемендәге Саба район китапханәсе һәм “Мишә дулкыннары” язучылар берләшмәсе Саба район үзәк китапханәсенә 105 ел тулу уңаеннан шигырь бәйге үткәргән иде. 2 апрель көнне Саба район китапханәсендә әлеге конкурс җиңүчеләрен бүләкләү чарасы узды. Конкурс 2 номинациядә узды: "Яшәү көче синнан алабызы, Җанга якын, гүзәл Сабабызы!, Милләтнең хәзинәсе..." . Җиңүчеләрне Саба район үзәкләштерелгән китапханәләр системасы директоры Ләйсән Билалова котлады. Чара реконструкциядән соң модернизацияләнгән яңа китапханә буенча экскурсиядән башланды. Чара барышында катнашучылар үзләренең шигырьләре һәм тәкъдимнәре белән уртаклаштылар.