Сабада йөрәк һәм кан тамырлары авырулары үзәге төзелә

  Район үзәк хастаханәсе биләмәсендә йөрәк- кан тамырлары үзәген төзү уңышлы дәвам итә. Төзелешне "Алтын Групп" җаваплылыгы чикләнгән подряд оешмасы алып бара. Үзәк  32 койка-урынга  исәпләнгән, гомуми мәйданы 6,5 мең кв.метр тәшкил итә. Кан тамырлары үзәгендә кабул итү-диагностика бүлеге, шулай ук нурланыш диагностикасы бүлеге, интенсив терапия секцияләре, операцион блок һ.б. булачак. Учреждение төзелеше 2024 елдан 2025 елга кадәр авыл территорияләрен комплекслы үстерү проекты кысаларында тормышка ашырыла.