Татарстанда яман чир белән авыручылар саны арта

  2025 елның ноябрь ахырына булган мәгълүматларга караганда, Республика клиник онкология диспансерында исәптә торучы пациентлар саны 127 меңгә җиткән. Бу хакта 12 нче онкология бүлеге табиб-онкологы Артур Сәйфуллин хәбәр итте.

А.Сәйфуллинның сүзләренә караганда, агымдагы елда республикада беренче тапкыр 19 452 онкологик авыру очрагы ачыкланган. Бу күрсәткеч узган елгы дәрәҗәдән 7,2% ка артыграк. Авыруларның артуын белгеч составында никотин булган продукция куллану белән бәйли. Спикер өстәп әйткәнчә, онкодиспансерның 12 нче бүлегендә баш һәм муен шешләре булган пациентларга ярдәм күрсәтелә. Шул ук вакытта пациентларның яртысы диярлек ир-атлар булып тора, әмма хатын-кызлар саны да акрынлап арта бара.

Авторы: Рузалия Хәкимуллина ( https://dzen.ru/kazan.kp.ru)