Тавык-чебеш асраучылар субсидия алдылар

  Аларның күләме бер баш күркә һәм казга – 200 сум, 1 үрдәккә - 120 сум, 1 бройлер чебигә  –100, бер савым   сыерга – 2300, икегә – 3300, өчтән  күбрәк булса – 4300,  бер  яшьтән олы кәҗәгә – 500, 3 яшьтән зуррак бия асраучы хуҗалыкларга 5 мең сум тәшкил итте.

Субсидия алучыга сатып алынган яшь чебешләрне билгеле бер вакытта: бройлер чебешләрен һәм үрдәкләрне – 2 ай, каз һәм күркәләрне 4 ай дәвамында асрау таләбе куелды. Яшь кош-кортны сатып алганнан соң, Госуслуги хезмәтеннән кереп, «Минем субсидияләр порталы» аша (https://subsidiya.tatarstan.ru) заявка бирергә кирәк иде.

 Район  авыл  хуҗалыгы һәм  азык-төлек  идарәсеннән  алынган  мәгълүматлардан   күренгәнчә, 2024 елда халыкка кош-корт үстергән өчен барысы 11,618 миллион, башмак таналарга  – 300 мең, савым  сыерлар һәм  ана  кәҗәләр өчен – 7 миллион, бияләргә 535  мең, тулаем алганда  19,527   миллион сум  субсидия бирелде.

Фото https://ru.freepik.com/