Түбән Камада сантехник үлеменнән соң Татарстан прокуратурасы тикшерү башлады

«Татар-информ» хәбәр иткәнчә, Түбән Камада Вахитов проспектындагы 13нче йортка коммуналь аварияне бетерү өчен сантехник чакырганнар. Подвалда кайнар су торбасы тишелгән, сантехник анда хезмәттәше белән кергән. Берникадәр вакыттан соң ир-атның берсе юешләнгән аяк киемен алыштыру өчен подвалдан чыккан, ә икенчесе эчтә торбада утырып калган. Подвалга яңадан кергән ир-ат сантехникның суда ятканын күреп алган.

Урынга килгән Гадәттән тыш хәлләр министрлыгы хезмәткәрләре ир-атны урамга алып чыккан һәм медикларга тапшырган. Алар ир-атның үлемен раслаган.

Күзәтчелек ведомствосы һәм профильле оешмалар хезмәткәрләре эшченең үлеменең сәбәпләрен ткишерә.

Якынча мәгълүматлар буенча, ул кайнар су белән пешеп үлгән.

Прокурор тикшерүе нәтиҗәсе буенча чаралар күреләчәк.

Бу хакта тулырак: https://tatar-inform.tatar/news/tuban-kamada-santexnik-ulemennan-son-tatarstan-prokuraturasy-tikseru-utkara-5869226