Сабада яшүсмерләр һәм һәвәскәр командалар арасында мини-футбол буенча турнир узды

1 ноябрь көнне Байлар Сабасында 20 яшькә кадәрге яшүсмерләр һәм һәвәскәр командалар арасында «ТМ Мечта»призына мини-футбол буенча турнир узды.

Турнирда Саба, Теләче һәм Кукмара районнарыннан 62 спортчы катнашты.  Җиңүчеләр һәм призерларны тәбрикләү тантанасында  Саба муниципаль районы башлыгы урынбасары Расих Закирҗанов , ООО «Нур» җитештерү начальнигы Ринат Галиәхмәтов катнашты.

Нәтиҗәләр түбәндәгечә булды:

20 яшькә кадәрге егетләр:

1 нче урында -«Саба яшьләре» командасы.

2 нче урында «Саба» командасы.

3 нче урында «Интер-Кукмара» командасы.

4 нче урында «ТСП-Теләче» командасы.

Һәвәскәр командалар:

1 нче урынны «Администрация» командасы алды.

2 нче урынны «Шәмәрдән» командасы алды.

3 нче урынны «Саба-Арена» командасы алды.

4 нче урынны «Хыял» командасы алды.

Турнир «ТМ Мечта» ярдәмендә оештырылды.