Югары Утар балалар йортында тәрбияләнүчеләр өчен балаларны яклау көненә багышланган бәйрәм оештырылды

  Югары Утар  балалар йортында тәрбияләнүчеләр өчен балаларны яклау көненә багышланган бәйрәм оештырылды.  Ел саен җәйнең беренче көнендә күп илләрдә Халыкара балалар көне билгеләп үтелә. Балаларны яклау көне - балаларның үзләре өчен күңелле бәйрәм генә түгел, аларның барысы да бәхетле, сәламәт булып үссен, укысын, яраткан эшләре белән шөгыльләнсен өчен төрле балаларның хокукларын якларга кирәклеген искә төшерү көне. Тәрбияләнүчеләрне  балалар йорты директоры М.М. Хузин һәм инвалидлар җәмгыяте вәкилләре котладылар. Аннары балалар әти-әниләре белән җырладылар, уйнадылар, биеделәр һәм күңел ачтылар. Бәйрәм ахырында балалар өчен чәй мәҗлесе оештырылды.