Мөхтәрәм өлкәннәребезне бәйрәм белән котлыйбыз!

Аларны барлык авырлык һәм кайгы-хәсрәтләрдән ышыклау, гомер көзләрен уңайлы уздыру өчен шартлар булдыру - һәркайсыбызның иң олы бурычы.

Яшьләрне тәрбияләүгә өлкән буыннардан килгән гореф-гадәтләр әйтеп бетергесез зур йогынты ясый. Алар өлкән буынга карата тирән ихтирам һәм хөрмәт тәрбияли. Әби-бабаларыбызның гасырлар буена тупланып килгән, алтынга тиң кыйммәтле киңәш-табышларында чагылучы зирәклектән башка яшьләр киләчәген дә матур төзи алмас иде. Бары тик көндәлек кайгырту һәм тәрбия генә кадерле өлкәннәребезне кадер-хөрмәттә яшәтергә ярдәм итәчәк. Әмма бүген без аларга аеруча ихтирам күрсәтергә, игътибарыбызны кызганмаска, һәм чын күңелдән, ихластан елмаерга тиешбез.

Хөрмәтле ветераннар, пенсионерлар, өлкән буын вәкилләре! Сезгә Халык­­ара өлкәннәр көне уңаеннан иң изге теләкләребезне җиткерәбез, сәламәтлек, барлык якыннарыгызның сезне аңлап яшәвен һәм шатлык тулы озын гомер телибез.

Саба муниципаль районы Советы һәм башкарма комитеты.