Саба таңнары
  • Тат Рус Лат
  • Сәрия Мифтахова автор яңалыклары

    • 14 октябрь 2019 - 08:35
      Шәхси балалар бакчасына йөрү сабыйга нәрсәсе белән куркыныч?
      Август аенда башкаланың Константиновка бистәсендә урнашкан шәхси бакчада янгын чыкканнан соң, әти-әниләрнең тынычлыгы югалды. Акчасын түләрсең дә, тик бәла-каза була калса, сабыйларның иминлеге өчен кем җавап бирер? Балаңны илтеп тапшырганчы, нәрсәләргә игътибар итәргә кирәк? “ВТ” хәбәрчесе шул сорауларга җавап эзләде.
    • 8 октябрь 2019 - 15:22
      Мәктәптә ничә сумга кадәр акча җыярга ярый?
      Мәктәп ул – белем бирү генә түгел, теге як бу хаҗәтләр өчен акча җыю урыны да. Чүпрәк, каләм, су, каравыл хезмәте… барысына да түләргә кирәк. Тик акча мәсьәләсендә әти-әниләр белән шаярырга ярамый. Казанда бер ана бакчада 250 сум акча сораган өчен прокуратурага хәбәр иткән. Татарстан Мәгариф һәм фән министрлыгы уку йортларында акча җыярга ярамаганлыгы турында янә кисәтә. Әмма кем әйтмешли, эт өрә, бүри йөри тора. Бу көннәрдә әти-әниләргә сак өчен акча күчерүне сорап хатлар килә.
    • 13 сентябрь 2019 - 09:08
      Репетиторлар мәктәптә укытмаганны өйрәтә аламы?
      Яңа уку елы мәктәпкә бару гына түгел. Балалары югары сыйныфларда укыган әти-әниләргә тагын бер мәшәкать өстәлә. Репетиторны кайдан табасы? Хәтта укытучылар үзләре дә репетитор ялларга киңәш бирә. Имтихан нәтиҗәсе исә егет-кызлар гына түгел, аларның әти-әнисенә дә, мәктәпкә дә кирәк. Репетиторлык “базары”нда хәлләр ничек?
    • 6 сентябрь 2019 - 10:57
      Бәрәңгене нишләтергә: кайда сатарга, гошер итеп кемгә бирергә?
      Бәрәңге уңышы мулдан булды. Авыл халкының базы тулды, калган бәрәңгесен кая куярга белми аптырый. Капчык күтәреп, шәһәр йортларында йөрүчеләр дә бар. Хәтта чүплеккә ташлыйлар дигән имеш-мимешләр дә ишетелгәли. Белгечләр, бәрәңге сату мәсьәләсен тиздән интернет ярдәмендә хәл итеп булачак, дип ышандыра.
    • 29 август 2019 - 16:56
      “Сөенерлегебез һәм горурланырлыгыбыз бар”. Татарстан Президенты дәүләт бүләкләрен тапшырды
      Казанышлар беркайчан да җиңел бирелми. Казан Кремлендә Республика көне уңаеннан хезмәт алдынгыларына дәүләт бүләкләре тапшырганда, Татарстан Президенты әнә шулай диде. Рөстәм Миңнеханов кулыннан барлыгы 58 кеше бүләк алды. Алар арасында гади җир кешесе дә, әдәбият һәм сәнгать әһелләре дә, спортчылар да, җитәкчеләр дә бар.
    • 26 июль 2019 - 10:24
      Букча белән генә кызыктырып булмый. Уку – җитә, акча китә
      Мәктәпкә әллә балалар бара, әллә ата-аналар? Сабыйлары 1 нче сыйныфка җыенучы әти-әниләр әнә шулай ди. Алар арасында Татарстан хезмәт, халыкны эш белән тәэмин итү һәм социаль яклау министры Эльмира Зарипова да бар. Аның ике улы укырга керергә җыена. Әти-әниләр әкренләп сабыйларын мәктәпкә әзерли башлаган инде. Күңелле мәшәкать ким дигәндә 10–15 мең сумга төшәчәк.
    • 17 июль 2019 - 10:59
      Бардың да җыйдың түгел. Урмандагы коры-сары кемгә кирәк?
      Урманга барып, хәзер теләгән һәр кеше бушлай чыбык-чабык җыя ала. Моның өчен бер тиен дә штраф түләтмиләр. Быелның 1 гыйнварыннан гамәлгә кертелгән закон шундый мөмкинлек бирә. Тик рәхәттә яшәргә өйрәнгән халыкның, арба тартып, урманда йөрисе киләме соң? “Урманга кабат юлны ачу” аны чытырманлыклардан арындырырга ни дәрәҗәдә булышачак?
    • 15 июль 2019 - 16:37
      “Минеке тәрәзәне ачмаячак!”. Ялгышасыз: замана баласына акыл 5тә түгел, 21дә керә
      Чыпчык куарга дип, тә­рәзә төбенә менгән са­быйның кызыксынуы фаҗига бе­лән тәмамла­ныр­га мөм­кин. Быел җәй республикада 20 бала егылып төшкән, табиблар икесен коткарып кала алмаган. Узган ел 53 бала төрле бәхетсезлек очрак­лары­ның корбаны булган. Кичә җәйге чорда балалар им­гәнү сәбәплә­ренә багышланган матбугат очрашуында белгечләр әнә шун­дый күңелсез саннар китерде.
    • 3 июнь 2019 - 08:31
      Алтыдан берне алгач, нәрсә булыр? Биш көн укуның ике ягы бар
      Безнекеләр күршеләрдән калышырга теләми. Башкортстан мәктәпләре биш көнлек укуга күчкәч, Татарстанда да кайбер әти-әниләр кыбырсый башлады. Белгечләр исә биш көн укытуның хәерлегә китермәячәген искәртә. Бу яңалыкның тагын бер куркыныч ягы да булырга мөмкин: ул татар теленең мәктәпләр­дән бөтенләй кысрыклап чыгарылуына китермәсме?
    • 28 май 2019 - 11:06
      Тырнакка бар, чүпрәккә юкмы? Хезмәтче чакыручылар арта
      Бүген фатирын кеше чакыртып җыештыртучылар арта бара. Сәбәбе нәрсәдә? Хатын-кыз ялкауландымы, әллә тагын да чистарак яшисебез киләме? Газетабыз хәбәрчесе клининг хезмәте күрсәтү нечкәлекләре белән танышты.
    • 24 май 2019 - 10:44
      «Укытучыны урлаганнар»: Татарстан мәктәпләрендә «Соңгы кыңгырау»га ничек әзерләнәләр?
      Имтихан тапшыргач кына ял итәргә ярый. Быел Казан укучылары белән хәлләр шулайрак килеп чыкты. БДИга әзерләнүгә күбрәк вакыт калсын өчен “Соңгы кыңгырау” бәйрәменнән баш тарттылар. Аның урынына 26 июньдә чыгарылыш кичәсен шәһәр күләмендә зурлап үткәрмәкчеләр. Шәһәрдә укучылар күп булгач, бәйрәм күңелле була анысы. Ә менә авылда мәктәп тәмамларга укучы калганмы? Анда ниләр кыландырырга җыеналар?
    • 18 май 2019 - 11:57
      “Укытучы артыгын күтәрә алмый”. Яшьләр ник мәктәптә калмый?
      Республика мәктәпләренә 2 меңнән артык укытучы җитми. Әлеге вәзгыятьне ничек үзгәртеп була? Ни өчен яшь укытучылар мәктәптә төпләнеп калырга теләми? Заманча укытучыларны ничек әзерлиләр? Бу хакта Казан федераль университе­тының психология һәм мәгариф институты директоры, тарих фәннәре докторы, профессор Айдар КӘЛИМУЛЛИН белән сөйләштек.
    • 17 май 2019 - 15:12
      Хәерсез яңгыр. Чирмешән районында яшәүчеләрнең мунчалары агып киткән
      Чебен дулаганнан тәрәзә ватылмый, диләр. Ә менә яңгыр яву аркасында, авылның асты өскә килергә мөмкин. Чәршәмбе көнне Чирмешән районының Иске Үтәмеш авылы әнә шундый хәлдә калган. Моннан тыш, табигать кыланмышы тагын берничә авылда күзәтелгән.
    • 19 апрель 2019 - 16:44
      “Укучыны җиңәргә кирәкми”. Мәктәптә янә үзгәрешләр көтелә
      Мәктәпләргә янә үзгәреш кертмәкчеләр. Яңартылган федераль белем бирү стандартлары фикер алышу өчен җәмәгатьчелеккә чыгарылды. Теләгән кеше preobra.ru. порталында үз тәкъдимен җиткерә ала. Документ расланса, программа, дәреслекләр, имтиханнар да үзгәрәчәк. Бу юлы тагын нинди мөгез чыгарырга җыеналар?
    • 15 апрель 2019 - 08:07
      Бер кулында – сабый, икенчесендә – тәмәке
      Баласы тәмәке тарткан әти-әниләргә 3 мең сумга кадәр штраф түләргә туры килмәгәе. Удмуртия депутатлары әнә шундый закон проекты әзерләгән, аны Дәүләт Думасына җибәрергә җыеналар. Акча түләтеп кенә үсмерләрне бу гадәттән биздереп булырмы?
    Реклама