17 июнь – Медицина хезмәткәрләре көне

Бу көнне барыбыз да гомерен игелекле хезмәткә – кеше гомере һәм сәламәтлеге турында кайгыртуга багышлаган ак халатлы кешеләрне искә алабыз. Табиблар, шәфкать туташлары, фельдшерлар һәркөнне авырулар өчен җаваплылык тоталар, чирләрдән котылырга ярдәм итәләр, сәламәтлекне арттыруда булышалар. Хәзерге вакытта районыбыз медиклары югары стандартларга җавап биргән учреждениеләрдә эшлиләр, һөнәри осталыкларын камилләштерә баралар. Иң заманча дәвалау чаралары үткәрелә, медицина хезмәте күрсәтүнең яңа төрләре кертелә. Сәламәтлек сагында торучы шәфкать ияләренең авырулар хәленә керә белүләрен һәм аларны савыктыру өчен вакытларын да кызганмый эшләүләрен телибез. Үзегез дә сәламәт булыгыз, якыннарыгыз белән бәхетле яшәгез.

Саба муниципаль районы Советы һәм

башкарма комитеты

Фоо: https://pixabay.com | DarkoStojanovic