Бүген Россия матбугаты көне
13 гыйнварда безнең илдә Россия матбугаты көне билгеләп үтелә. Нәкъ менә шушы көнне Россиядә Пётр патша указы белән “Ведомости” гәзитенең 1нче саны чыга. Гәзитнең беренче саны «Ведомости о военных и иных делах, достойных знания и памяти, случившихся в Московском Государстве и во иных окрестных странах» дигән исем белән чыга. Гәзит Мәскәүдә һәм Санкт-Петербургта басыла. Шул ук вакытта аның даими исеме булмый, төрлечә — «Ведомости», «Российские ведомости», «Ведомости Московские» дип атала.
Ә вакытлы матбугатка язылу 1870 ел башыннан гына кертелә. 1914 елда инде Россиядә 3 меңнән артык исемдә вакытлы матбугат чыга.
1917 елдан башлап Россиядә Матбугат көне 5 майда – “Правда” гәзите чыга башлаган көнне билгеләп үтелә иде. 1991 елда РФ Югары Советы президиумы карары белән Россия матбугаты көненең датасы, тарихи дөреслеккә туры китереп, кире кайтарыла.
Барлык коллегаларыбызны, ветераннарыбызны һөнәри бәйрәм белән тәбрик итәбез!
Следите за самым важным и интересным в Telegram-каналеТатмедиа
Нет комментариев