Хөрмәтле авыл хуҗалыгы һәм эшкәртү сәнәгате уңганнары, тармак ветераннары!
Барыгызны да көзге муллык чорында уза торган һөнәри бәйрәмегез белән ихлас котлыйбыз. Авыл хуҗалыгы тармагы район икътисадында һәрчак зур урын алып тора. Хәзер дә тармак зур үзгәрешләр кичерә: җитештерүгә һәм эшкәртүгә алдынгы технологияләр үтеп керү, яңа эре комплекслар төзелү, фермер хуҗалыклары, гаилә фермалары барлыкка килү– моның ачык мисалы.
Нинди генә яңа технологияләр уйлап табылмасын, хезмәткә хуҗаларча мөнәсәбәтегез, җаваплылык, кеше факторы алгы планда кала. Игенче-механизаторларыбыз әзерләгән азык ларны нәтиҗәле файдаланып, терлекчеләребез дә продукция җитештерүне елдан-ел арттыралар, республика күләмендә электән яуланган алдынгылыкны ышанычлы тоталар. Киләчәктә дә куелган максатларга ирешерсез һәм районның икътисади үсешендә тотрыклылыкны тәэмин итәрсез, дигән ышанычта калабыз.
Саба муниципаль районы Советы һәм башкарма комитеты
Фото: saby.tatarstan.ru
Следите за самым важным и интересным в Telegram-каналеТатмедиа
Нет комментариев