Россия Пенсия фонды хезмәткәрләренә
22 декабрьдә РФ Пенсия фонды оешуга 29 тула. Әлеге истәлекле көн уңаеннан Пенсия фондының районара идарәсе хезмәткәрләрен һәм ветераннарын ихластан бәйрәмнәре белән тәбрик итәбез.
Идарә быел һөнәри бәйрәмен 6 районга хезмәт күрсәтүче 170тән артык хезмәткәрле зур коллектив булып каршылый. Пенсия-пособияләр 62 меңнән артык пенсионерга исәпләнә. Белгечләр районыбыз халкы, оешма-предприятияләр, шәхси эшмәкәрләр белән тыгыз элемтәдә эшли. Аларның үз вазифаларын төгәл башкаруы халыкның уңай яшәешен тәэмин итүдә ачык чагыла. Коллектив 2020 елда электрон хезмәт кенәгәләре бирелә башлау белән бәйле үзгәрешләргә дә әзерләнә. Сез игелекле, мөһим һәм кирәкле зур эш башакарасыз. Һөнәри бәйрәмегез белән котлап, эшегездә уңышлар, гаиләләрегезгә иминлек, сәламәтлек телибез.
Саба муниципаль районы Советы һәм башкарма комитеты
Фото: twitter.com/PriazoviePrimAh
Следите за самым важным и интересным в Telegram-каналеТатмедиа
Нет комментариев