Магнитогорскида зыян күрүчеләргә 75 миллион сум акча түләгәннәр

Магнитогорскида торак йортта газ шартлап, зыян күргән кешеләргә 75 миллион сум чамасы акча түләгәннәр. Бу хакта рәсми Telegram каналында төбәк башлыгы Борис Дубровский хәбәр итә, дип җиткерә РИА Новости.

"Бүгенге көндә фаҗигада зыян күрүчеләргә яки аларның гаиләләренә өлкә бюджетыннан - 44,7 миллион, федераль бюджеттан 29,9 миллион сум акча түләнде", - диелгән хәбәрдә.

• Дүшәмбе, 31 декабрьдә, Магнитогорскида көнкүреш газы шартлап, ун катлы йортның бер подъезды ишелде. Пәнҗешәмбе көнне Гадәттән тыш хәлләр министрлыгы коткару операциясен төгәлләде. Җимерекләр арасыннан 39 кешенең үле гәүдәсе чыгарылды.

Фото: 74.mchs.gov.ru

https://tatar-inform.tata