Россиядә коронавирус инфекциясе йоктырган беренче пациент вафат булган

Россиядә коронавирус инфекциясе йоктырган беренче пациент вафат булган. Бу хакта яңа коронавирус инфекциясен кисәтү һәм аңа каршы көрәшү буенча оператив штабның матбугат хезмәте хәбәр итә.

Штаб мәгълүматлары буенча, хатын-кызга 79 яшь булган, ул күп кенә хроник авырулардан (мисал өчен, 2нче типтагы шикәр диабеты, йөрәктә ишемия авыруы, цереброваскуляр авыру һ.б.) интеккән.

Хатын-кыз Мәскәүнең 2нче йогышлы авырулар хастаханәсендә үлгән. Әбинең кайбер авырулар фонында үсеш алган пневмония аркасында йөрәге тибүдән туктаган.

Фото: архив/Ильнар Тухбатов

Чыганак: tatar-inform.tatar