Тинчуринлылар Казанның «Тукай мәйданы» метро станциясендә флешмоб оештырды

Айсылу Мөсәлләмова, Гүзәл Галиуллина һәм Зөлфәт Закиров Тукай иҗатына нигезләнеп сәхнәләштерелгән «Сөй гомерне!» шигъри драмасыннан (режиссеры – Рәшид Заһидуллин) өзек күрсәтте. Артистлар Тукайның халык күңелендә сакланган үлемсез шигырьләрен, “Исемдә калганнар” әсәренең аерым өлешләрен сөйләде, аның шигырьләренә иҗат ителгән җырлар башкарды. Флешмобка метро пассажирлары, узып баручылар да бик теләп кушылды. Алар Тукай шигырьләрен сөйләп, җырлар җырлап, Тинчурин театрына чакыру билетлары отты.

Флешмоб «Метроэлектротранс» МУП белән берлектә үткәрелде.

Фото: http://idel-tat.ru
http://idel-tat.ru