2021 елда 236 йортка капиталь ремонт ясалачак

2021 елда Казанда 236 күп фатирлы йортка капиталь ремонт ясау өчен 2,2 млрд. сум тотарга планлаштыралар.

Бу хакта Башкарма комитетта узган эшлекле дүшәмбе вакытында Торак-коммуналь хуҗалык комитеты рәисе Дмитрий Анисимов сөйләде.

«Киләсе елда программага 2,2 млрд. сумлык 236 күп фатирлы йорт кертелгән", - диде Анисимов.

Хакимият төзү-монтаж эшләрен февральнең икенче яртысында ук башларга ниятли. Проект-смета документациясен эшләү нәтиҗәсендә 2021 елга капиталь ремонт программасына 160 тан артык йорт кергән инде.

2020-2022 елларда Татарстан башкаласында барлыгы 726 йортны ремонтлау планлаштырыла, эшләр өчен 6,4 млрд.сум бүлеп биреләчәк.

Фото: архив

Чыганак: tatar-inform.ru