Саба таңнары

Арчада яшәүче хатын-кыз элеккеге сөяркәсен үтерергә кеше яллаган

Арчада 36 яшьлек хатын-кыз элеккеге сөяркәсен үтерү өчен үзе белән яшәүче ир-ат һәм аның дустын яллаган. Әлеге җинаять фаш ителгәннән соң 24 яшьлек Фидәил Маннанов, 26 яшьлек Руслан Зәйнәгетдинов һәм 36 яшьлек Гүзәл Габдрахманова гаепләнелә. Тикшерү мәгълүматлары буенча, хатын-кызның заказы 8 декабрьгә каршы төндә башкарыла. Маннанов һәм Зәйнәгетдинов зыян күрүченең...

Арчада 36 яшьлек хатын-кыз элеккеге сөяркәсен үтерү өчен үзе белән яшәүче ир-ат һәм аның дустын яллаган. Әлеге җинаять фаш ителгәннән соң 24 яшьлек Фидәил Маннанов, 26 яшьлек Руслан Зәйнәгетдинов һәм 36 яшьлек Гүзәл Габдрахманова гаепләнелә.

Тикшерү мәгълүматлары буенча, хатын-кызның заказы 8 декабрьгә каршы төндә башкарыла. Маннанов һәм Зәйнәгетдинов зыян күрүченең фатирына кереп, аны кыйныйлар, бәйләп, стадион янәшәсендәге күпергә алып килеп, Казанка елгасына ыргыталар. Бәхетенә күрә, әлеге ир-ат бәйләреннән ычкынып, ярга йөзеп чыга һәм башкаларны ярдәмгә чакыра.

Әлеге җинаять кылучылар үз гаепләрен тулысынча таныган. Аларның әйтүенчә, Габдрахманова зыян күрүче белән романтик мөнәсәбәттә булган, соңрак Маннановка киткән. Элеккеге сөяркәсе хатын-кызны гел эзәрлекләгән, хурлаган. Шуңа да әлеге хатын-кыз бергә яшәүчесе белән аны үтерергә булган.

Якын арада тикшерү органнары гаепләнүчеләрне сак астына алуларын сорап, судка мөрәҗәгать белән чыгачак.

Интертат.ру.

 

Без социаль челтәрләрдә: Инстаграм, ТикТок, ЮтубВКонтакте, ОдноклассникиТелеграм, Фейсбук, Твиттер, Яндекс.Дзен

 

 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: