Бадминтон буенча укучыларның X спартакиадасында безнекеләр беренче

27-29 мартта Алабуганың "Бердәм Россия" спорткомплексында авыл районнары арасында бадминтон буенча укучыларның X спартакиадасы үтте. Быелгы уеннар Бөек Җиңүнең 70 еллыгына багышланган. Ярышта республиканың 12 районыннан килгән командалар катнашты. Безнең бадминтончылар (командада 4егет һәм 4 кыз) 1 урынга лаек булды. 1999-2001 елгы укучылар арасында үткән спорт бәйгесендә Завод-Нырты мәктәбе укучылары - Ильяс Шиһабиев, Илшат Миңнегалиев, Ринат Мөхлисов, Данис Латыйпов, Гөлгенә Вәлиева, Ләйсән Шакирова, Сөмбел Якупова һәм Олы Кибәче мәктәбеннән Илмира Ибәтова матур уен күрсәтте. Тренерлары - Гөлнара Зарипова, Ольга Козлова һәм Раил Мөбарәкҗанов. Ярышта барлыгы 15 призлы урын алырга мөмкин булып, шуның 13ен безнекеләр алган.