Кабан атсаң, белеп ат: кабаннарда африка чумасы булырга мөмкин

Узган ел декабрь аенда да Россия территориясендәге кыргый кабаннарда африка чумасы очраклары булды. Аучылар моны һич исләреннән чыгармаска һәм кабан үләксәләре күргәндә, бу хакта кичекмәстән, "Россельхознадзор" идарәсенә, районның ветеринария хезмәтенә һәм аучылык буенча җитәкчеләргә хәбәр итәргә тиеш. Атып алган кабанның итен дә лаборатор тикшеренүдән соң гына кулланырга ярый. Аларны эшкәртүне махсус урыннарда башкарырга һәм эш беткәч урынны һәр төрле калдыклардан чистартып куярга кирәк. Сораулар булса, "Россельхознадзор" ветеринария бүлегенә, (843) 2776937 телефонына мөрәҗәгать итегез.