Казан 2024 елда Олимпия уеннарын үткәрүгә дәгъвә белдерә ала

Казан 2024 елда Олимпия уеннарын үткәрүгә дәгъвә белдерә ала, дип саный Россия Олимпия комитеты генераль секретаре Марат Бариев. Бу хакта ул Казанда ТАСС-клубта матбугат конференциясендә белдерде.
Марат Бариев Татарстан башкаласының Олимпия уеннарын үткәрүгә әзерлеге хакында: "2024 елда Казан бу мәсьәләнең уңышлы хәл ителүенә зур мөмкинлекләр белән заявка бирә ала", - диде Россия Олимпия комитеты генераль секретаре.
Казан бу катлаулы ярышларга - Универсиадага югары дәрәҗәдә әзерләнгән, дип ассызыклады Марат Бариев. "Бу Олимпия уеннарын үткәрү хокукын алу конкурсында катнашу өчен югары дәрәҗәдә әзер булу турында сөйли", - диде матбугат конференциясендә ул.

http://tat.tatar-inform.ru/news/

Без социаль челтәрләрдә: Телеграм, ВКонтакте, ТикТок, Ютуб, Одноклассники, Твиттер, Яндекс.Дзен