Казан циркында филләр катнашындагы тамашалар бүтән күрсәтелмәячәк
Хәзерге вакытта цирк хезмәткәренең фил янына килгәндә куркынычсызлык техникасын бозу-бозмавы ачыклана.
Казан циркында филләр катнашындагы тамашалар бүтән күрсәтелмәячәк. Бу хакта циркның рәсми сайтында хәбәр ителә.
Элегрәк «Татар-информ» Казан циркында филнең эшчегә һөҗүм итүе турында хәбәр иткән иде. 29 яшьлек ир-атны хастаханәгә баш мие селкенү һәм кабыргалары сыну билгеләре белән китергәннәр.
Хәзер бу хәлнең барлык шартлары ачыклана, шулай ук зыян күрүченең хайваннар белән эшләгәндә куркынычсызлык техникасын бозу-бозмавы тикшерелә.
Шул ук вакытта «Филләр һәм цирк магиясе» программасында үзгәрешләр булуы хәбәр ителә: алга таба филләр шоуда чыгыш ясамаячак.
Чыганак: tatar-inform.tatar
Следите за самым важным и интересным в Telegram-каналеТатмедиа
Нет комментариев