Кибетләрдә җиләк-җимеш бәяләре арткан

Ел башыннан Русиядә яшелчә һәм җиләк-җимеш бәяләре шактый арткан. Авыл хуҗалыгы министрлыгы әзерләгән хисапка караганда, Төркиягә каршы сәүдә чикләүләре кертелгәннән соң, Төркия товарларының бары зур булмаган өлешенә генә алмаш табылган. Ел башыннан бер килограмм кыярның уртача бәясе 17 процентка артып, 188 сумга җиткән, кәбестә бәясе 9,7 процентка артып, 26 сумга, помидор 8,5 процентка артып, 179 сумга, груша бәясе гыйнвар аенда гына да 14,2 процентка артып, 147 сумга, йөзем бәясе дә бер айда 12,8 процентка артып 197 сумга җиткән.

Безнең гәҗит