Саба таңнары
  • Тат Рус Лат
  • Мәктәп укучылары быел БДИны начаррак тапшырган

    Татарстан укучылары быел БДИны начаррак тапшырган. Ләкин безнекеләрнең имтиханда алган баллары Россиянекеннән югарырак. Географиядән бездә уртача балл 64,4 булса, Россия күләмендә ул күпкә түбәнрәк. Татарстанда минималь чикне уза алмаучылар да күбрәк. Мәсәлән, информатика, рус әдәбияты, тарих, химия фәннәреннән "икеле" алучылар саны арткан. БДИдан 100 балл җыючы укучылар күпкә кимегән. 2013...

    Татарстан укучылары быел БДИны начаррак тапшырган. Ләкин безнекеләрнең имтиханда алган баллары Россиянекеннән югарырак.
    Географиядән бездә уртача балл 64,4 булса, Россия күләмендә ул күпкә түбәнрәк.
    Татарстанда минималь чикне уза алмаучылар да күбрәк. Мәсәлән, информатика, рус әдәбияты, тарих, химия фәннәреннән "икеле" алучылар саны арткан.
    БДИдан 100 балл җыючы укучылар күпкә кимегән. 2013 елда 416 укучы булса, быел андыйларның саны 122гә генә калган. Татарстанда икешәр предметтан максималь балл алучы өч бала бар. Алар - Казанның 131 һәм Кукмараның Булатов исемендәге лицей укучылары.
    Имтихан тапшыру вакытында тәртип бозулар да күзәтелгән. Иң күп шелтә Менделеев, Алексеевск, Буа, Казанның Яңа Савин районнарына белдерелгән. Контроль үлчәү материалларын (КИМ) интернетта урнаштырган өчен бер укучының эше гамәлдән чыгарылган. Өч укучы кесә телефоны белән тотылган.
    Хәзерге вакытта БДИ тапшыруның өстәмә этабы бара. Ул 16 июльгә кадәр дәвам итәчәк, дип хәбәр итә Интертат.ру.

    Нравится
    Поделиться:
    Реклама
    Комментарии (0)
    Осталось символов: