«Балкыш» үзәгендә Өлкәннәр көне уңаеннан «Игелек вакыты» акциясе кысаларында социаль хезмәткәрләр ялгыз пенсионерларга ярдәм итә.
Һәр елны 1 октябрьдә билгеләп үтелә торган Өлкәннәр көне уңаеннан, «Балкыш» халыкка социаль хезмәт күрсәтү комплекслы үзәгендә (КЦСОН) зур һәм мөһим чара — «Игелек вакыты» хәйрия акциясе старт алды. Бу көннәрдә социаль хезмәткәрләр сүздә генә түгел, ә эштә дә өлкән буынга карата хөрмәт һәм кайгырту күрсәтәләр.
Акциянең төп максаты — ялгыз яшәүче пенсионерларның, шулай ук физик мөмкинлекләре чикле булган өлкәннәрнең яшәү шартларын яхшырту һәм аларга кышкы чорга әзерләнергә ярдәм итү.
«Балкыш» үзәге җитәкчелеге һәм коллективы барлык өлкән буын вәкилләрен Халыкара өлкәннәр көне белән чын күңелдән котлый. Аларга ныклы сәламәтлек, җан тынычлыгы, якыннарының кайгыртуын тоеп яшәүләрен тели.
Нет комментариев