Саба таңнары
  • Тат Лат
  • Павлюхин урамында төзелә торган Гаилә белән ял итү үзәгенең исеме билгеле

    Казан шәһәре башкарма комитетының шәһәр гербын һәм әләмен урнаштыру мәсьәләләрен килештерү буенча комиссиясе «Казан» сүзен куллануга рәсми рөхсәт биргән.

    Казанның Павлюхин урамында төзелә торган Гаилә белән ял итү үзәгенә KazanMall исеме биреләчәк. Объект исемендә «Казан» сүзен куллануга рәсми рөхсәтне Башкарма комитетның шәһәр гербын һәм әләмен урнаштыру мәсьәләләрен килештерү буенча комиссиясе биргән. Бу турыда Казан мэриясе матбугат хезмәте хәбәр итте.

    Гаилә белән ял итү үзәге исемендә «Казан» сүзен куллануга рөхсәтнең чикләнмәгән вакыты бар. Юридик затның исемен бетергән, үзгәрткән яки алмаштырган очракта, рөхсәт гамәлдән чыгарылган дип саналачак.

    Павлюхин урамында гаилә ялы үзәге 2018 елда төзелә башлады. Ачылу 2020 елның августына планлаштырылган.

    Казанның үз рәсми символлары бар, шул исәптән герб һәм әләме. Рәсми символларның сурәтләре һәм тасвирламасы, аларны куллану тәртибе Казан шәһәр Думасы тарафыннан расланган махсус нигезләмә белән билгеләнә.

    Шәһәр гербын һәм әләмен урнаштыру мәсьәләләрен килештерү буенча Комиссия гаризаларны карый һәм рәсми символларны (гербны һәм әләмне) һәм сүз символларын («Казан» һәм «Зилант» сүзләрен, аның нигезендә сүзтезмәләрне, фамилияләреннән һәм үз исемнәреннән кала) куллану хокукыннан баш тарту турында рөхсәт яки бәяләмә бирә.

    Комиссия составына башкарма комитет аппараты җитәкчеләре һәм белгечләре керә, алар иҗтимагый башлангычларда үз эшләрен алып баралар. Комиссия үз эшчәнлегендә РФ Конституциясенә, ТР Конституциясенә, федераль һәм республика законнарына, Казан Уставына һәм башка документларга таяна. Комиссияне Казан Башкарма комитеты җитәкчесе җитәкли.

    Фото: kzn.ru

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (2)
    Осталось символов:
    • 10 декабрь 2019 - 13:19
      redaktor
      Инглиз теленнән тәрҗемә итсәң - торговый центр
    • 10 декабрь 2019 - 10:46
      Без имени
      Малл нәрсәне аңлата соң ул? Матур итеп, аңлаешлы итеп, мөгез чыгармыйча, үзебезчә атап булмыймыни ул гаилә учагын? Мәсәлән, Казан йорт, дипме?.. Казаныбызны чит ил атамалары басты бит инде!