"Пусть говорят" тапшыруында катнашкан 7 бала атасының үз-үзенә кул салуы җәмәгатьчелекне шок хәлендә калдырды [+фото, видео]

Рязань өлкәсендә булган фаҗига җәмәгатьчелекне бик нык тетрәндерде. 7 баланы берүзе үстерүче 58 яшьлек Геннадий Желтовны сарайда асылынган килеш табалар. Кызганыч, гаилә башлыгы зур янгыннан соң яңа йортларына күченүне дә көтеп өлгерә алмаган.

Асылынган ир-атны моннан берничә ай элек кенә бергә тора башлаган хатыны Марина күреп алган. Беренче ярдәм күрсәтергә тырышуга карамастан, ирне коткара алмыйлар. Әлеге факт буенча Тикшерү комитеты эш ачкан, дип яза "StarHit".