Саба жәмигъ мәчетендә балалар җәйләве дәвам итә

Аның беренче атнасы үтеп тә бара инде. Шул дәвердә Аллаһ йортына гыйлем эстәргә 80ләп бала килгән. Кызлар һәм малайлар 6 төркемгә бүленеп шөгыльләнәләр.Балаларга дин дәресләрен мөгаллимәләр Тәнзилә Йосыпова, Расиха Нәҗметдинова, Гөлнара Миңнемуллина, Гөлинә туташ, Рөстәм, Абдулла хәзрәтләр җиткерә.Балалар өчен шулай ук саф һавада хәрәкәтле уеннар оештырыла, кафеда кайнар ризык белән туклану тәэмин ителгән. 13 июнь көнне мәчеттә рәсем ясау конкурсы үткәрелде.Бәйгедә катнашучы һәр балага истәлекле бүләкләр таратылды.Түбәндәге фотолар әлеге конкурс барышында төшереп алынды.

Илмира Галимуллина фотолары.