Сабага Универсиада уты 28 июньдә килер дип көтелә

"Универсиада-2013" башланырга нәкъ 17 көн калып бара. Рәсми мәгълүматларга караганда, спорт программасына барлыгы 27 спорт төре кертелгән. Казанның физик культура һәм спорт комитеты рәисе Илгиз Фәхриев сүзләренчә, Россия җыелма командасы делегациясе иң зуры булачак. "Россия җыелма командасы составына 663 спортчы керде. Төп составта - Казаннан 16 спорт төре буенча 41 спортчы. Тагын Казанның 45 спортчысы - резервта", - диде ул. Бөтендөнья студентлар уеннары символын тиздән сабалылар да каршы алачак. Районыбызга Универсиада уты 28 июньдә килер дип көтелә.