Табиб август урталарыннан коронавирус инфекциясен йоктыручыларның артачагын фаразлады

Ул билгеләп үткәнчә, бу авыруның ни рәвешле узуына һәм хастаханәгә озатылган пациентлар санына бәйле булачак. Бу хакта «Российская газета» яза.

«Ярты ел узып китте, иммунитет кими… Ничек кенә булмасын, инфекция йоктыручылар артачак, бу якынча август уртасыннан һәм көзен күзәтеләчәк», - диде Тимаков.

Эксперт билгеләп үткәнчә, алдагы эпидемиологик вазгыять коронавируска иммунитетның сыйфатына, аның бу чирне кабат йоктырудан саклау-сакламавына, шулай ук вирусның яңа мутацияләре барлыкка килүгә бәйле булачак.