Тарттырылган түшәм: ялтыравыклысымы, тоныгымы?
Тарттырылган түшәмнәр көннән-көн популярлаша бара. Ремонт ясарга уйлаган кеше бу сорау белән очрашмый калмыйдыр: ялтырый торганына (глянцевый) тукталыргамы, әллә тоныгынамы (матовый)?
Ялтыравык түшәм бинаны визуаль зуррак, түшәмне биегрәк итеп күрсәтә, интерьерга матур ялтырау бирә. Тәрбиягә талымлы түгел, тиз юыла. Аңа теләсә нинди рәсемне төшерергә була.
Минусы: ул көзге кебек шкаф өстендә, антресольләрдә ни барын күрсәтеп торачак. Шуңа күрә артык зур бүлмәгә бу вариант отышлы түгел.
Тонык түшәм теләсә нинди интерьерга бара, игътибарны артык җәлеп итми. Вакыт узу белән төсен җуймый, ярылмый. Көзге ролен үтәми, теләсә нинди мәйданлы бүлмәгә тарттырырга мөмкин.
Минусы: ачык төсләрнең (сусыл алсу, “салатовый”, кара) булмавы. Киңлекне зурайтып күрсәтми, гел сөртеп, “тәрбияләп” торырга кирәк.
Следите за самым важным и интересным в Telegram-каналеТатмедиа
Нет комментариев